జాతీయస్థాయి ‘జూడో’ పోటీల్లో పతకాల పంట

సత్తా చాటిన ఆదిలాబాద్‌ క్రీడా పాఠశాల బాలికలు

కప్‌, పతకాలతో ఆదిలాబాద్‌ క్రీడా పాఠశాల బాలికలు

ఆదిలాబాద్‌ క్రీడావిభాగం, న్యూస్‌టుడే : కేరళలోని త్రిస్సుర్‌లో జరుగుతున్న ఖేలో ఇండియా 2వ జాతీయస్థాయి మహిళల జూడో ఛాంపియన్‌షిప్‌ లీగ్‌ పోటీల్లో ఆదిలాబాద్‌ క్రీడా పాఠశాలకు చెందిన బాలికలు సత్తా చాటి పతకాల పంటను పండించారు. తెలంగాణ జట్టును ద్వితీయ స్థానంలో నిలిపారు. ఆదివారం ఉదయం జరిగిన పోటీల్లో 8 పతకాలు (2 పసిడి, 3 రజతాలు, 3 కాంస్యం) సాధించారు. జె.మధులత(48 కిలోలు), ఎస్‌.రమ్య(52 కిలోలు) పసిడి, సునీత(44 కిలోలు), ఎన్‌.శ్రీజ(70 కిలోలు), అలేఖ్య(57 కిలోలు) రజతాలు, సహస్ర(40 కిలోలు), ఆర్‌.చాందిని(57 కిలోలు), జె.అభినయ(40 కిలోలు) కాంస్య పతకాలు గెలిచారని జూడో శిక్షకుడు నంగనూరి రాజు తెలిపారు.