గట్టెక్కించే నాథుడెవరు?

వాగు దాటేందుకు చంటి పిల్లలతో తల్లుల ఇబ్బందులు

వరరామచంద్రాపురం మండల ప్రజలకు పోలవరం ముంపు తర్వాత అతి పెద్ద సమస్య అన్నవరం వాగు దాటడం. ఈ వాగుపై వంతెన కోసం ప్రజలు మూడేళ్లుగా ఎదురుచూస్తూనే ఉన్నారు. అధికారులు, నాయకులు వచ్చి చూసి వెళ్తున్నారు కానీ ప్రయోజనం ఉండటం లేదు. పాత వంతెన పూర్తిగా శిథిలమవవగా.. కొత్త నిర్మాణం అసంపూర్తిగా నిలిచిపోయింది. పనుల్లో నాణ్యతా లోపంతో చిన్నపాటి వరదకే రెండుసార్లు గట్లు కొట్టుకుపోయాయి. అప్పటినుంచి విద్యార్థులు, ఉద్యోగులు, రోగులు, రైతులు, వ్యాపారులు ఇక్కడ వాగు దాటేందుకు ఇక్కట్లకు గురవుతున్నారు. మూడేళ్లగా ఈ మార్గంలో ఆర్టీసీ బస్సులు వెళ్లడం లేదంటే సమస్య అర్థం చేసుకోవచ్చు. ఇప్పటికైనా అధికారులు స్పందించి వాగుపై వంతెన నిర్మాణాన్ని పూర్తిచేయాలని స్థానికులు కోరుతున్నారు.

శిథిలమైన పాత వంతెన, పక్కన అసంపూర్తి నిర్మాణం

- వరరామచంద్రాపురం, న్యూస్‌టుడే