చేయూతతో మహిళలకు స్వయం ఉపాధి

లబ్ధిదారులకు చెక్కు పంపిణీ చేస్తున్న ఎమ్మెల్యే భాగ్యలక్ష్మి

కొయ్యూరు, న్యూస్‌టుడే: ప్రభుత్వం అందించే చేయూత పథకంతో మహిళలు స్వయం ఉపాధి పొందుతున్నారని ఎమ్మెల్యే భాగ్యలక్ష్మి పేర్కొన్నారు. మూడోవిడత చేయూత చెక్కుల పంపిణీ కార్యక్రమాన్ని గురువారం స్థానిక కస్తూర్బా పాఠశాల ఆవరణలో నిర్వహించారు. ఎమ్మెల్యే భాగ్యలక్ష్మి మాట్లాడుతూ మహిళల ఆర్థికాభివృద్ధికి ప్రభుత్వం చర్యలు చేపడుతోందన్నారు. లబ్ధిదారులకు రూ.5.99 కోట్ల విలువైన చెక్కు పంపిణీ చేశారు. అనంతరం కొయ్యూరు పంచాయతీ చింతవానిపాలెంలో జోరువానలోనూ గడప గడపకు మన ప్రభుత్వం కార్యక్రమాన్ని నిర్వహించారు. ఇంటింటికీ ఎమ్మెల్యే వెళ్లి పథకాలను వివరించారు. వైకాపా ప్రభుత్వాన్ని మళ్లీ ఆశీర్వదించాలని కోరారు. ఎంపీపీ రమేష్‌బాబు, జడ్పీటీసీ సభ్యులు నూకరాజు, బాలయ్య, కొప్పుల వెలమ కార్పొరేషన్‌ డైరెక్టర్‌ నాగమణి, ఉప ఎంపీపీలు రమణ, నూకాలమ్మ, వైకాపా మండల అధ్యక్షుడు బాబులు, రాజులమ్మ, సర్పంచి సింహాచలం తదితరులు పాల్గొన్నారు.