పీహెచ్‌సీకి సమకూరిన గేటు

డుంబ్రిగుడ పీహెచ్‌సీ ప్రహరీకి ఏర్పాటు చేసిన గేటు

డుంబ్రిగుడ, న్యూస్‌టుడే: వైద్య ఆరోగ్య శాఖలో చేపట్టిన నాడు-నేడు పనులు రెండేళ్లుగా నత్తనడకన సాగుతున్నాయి. డుంబ్రిగుడ ప్రాథమిక ఆరోగ్య కేంద్రంలో నాడు-నేడు నిధులు రూ. 90లక్షలతో చేపట్టిన ఆధునికీకరణ పనులు పూర్తయ్యాయని అధికారులు తప్పుడు నివేదికలు అందించారు. నిరంతర నీటి సదుపాయం, ప్లంబింగ్‌ పనులు, ఆసుపత్రి ముఖద్వారానికి గేటు ఏర్పాటు చేయని తీరుపై గతనెల 30న ’నాడు-నేడు.. పట్టదా రోగుల గోడు’ అనే శీర్షికన ‘ఈనాడు’లో ప్రచురితమైన కథనానికి అధికారులు స్పందించారు. డుంబ్రిగుడ ఆరోగ్య కేంద్రానికి ముఖద్వారానికి గేటు ఏర్పాటు చేశారు. దీంతో ఆకతాయిలు, పశువుల బెడద తీరింది.