అసంపూర్తి వంతెనతో అవస్థలు

వంతెన వద్ద గుంతలో దిగిన కారు

పాడేరు, న్యూస్‌టుడే: పాడేరు నుంచి మైదాన ప్రాంతానికి వెళ్లే ప్రధాన రహదారి కోట్లగరువు సమీపంలో వంతెన నిర్మాణం అసంపూర్తిగా వదిలేయడంతో వాహన చోదకులు ఇబ్బందులు పడుతున్నారు. గత ఏడాది ఇక్కడ పనులు ప్రారంభించారు. వంతెనకు ఇరువైపులా కంకర అమర్చి మట్టి పటుత్వం కోల్పోకుండా దట్టించాలి. అలా కాకుండా కేవలం మట్టిని పేర్చి వదిలేశారు. వర్షపు నీటి ఉద్ధృతికి వంతెనకు ఇరువైపులా ఉన్న మట్టి కొట్టుకుపోవడంతో చుట్టూ గుంతలు ఏర్పడ్డాయి. దీంతో కార్లు, ఇతర వాహనాలు ఇక్కడ దిగబడుతున్నాయి. సోమవారం పాడేరు వైపునకు వస్తున్న ఓ కారు గుంతలో చిక్కుకుంది. ఇక్కడ మరమ్మతులు చేపట్టాలని స్థానికులు కోరుతున్నారు.