పథకాలు సక్రమంగా అందుతున్నాయా?

రాతికట్టు మెట్లు దిగుతున్న ఎమ్మెల్యే భాగ్యలక్ష్మి

పాడేరు, న్యూస్‌టుడే: లగిశపల్లి, గురుపల్లి పంచాయతీల పరిధిలో సోమవారం ఎమ్మెల్యే భాగ్యలక్ష్మి గడప గడపకు మన ప్రభుత్వం కార్యక్రమాన్ని నిర్వహించారు. గురుపల్లి పంచాయతీ తోటగున్నెల ఆదివాసీ గ్రామానికి కాలినడకన కొండలు, గుట్టలు దాటుకుంటూ చేరుకున్నారు. ప్రజలతో మాట్లాడి సమస్యలు తెలుసుకున్నారు. పథకాలు సక్రమంగా అందుతున్నాయా లేదా అని ఆరా తీశారు. తాగు, సాగునీరు, రహదారులు తదితర సమస్యలను గిరిజనులు ఎమ్మెల్యే దృష్టికి తీసుకెళ్లారు. మ్యుటేషన్‌, ఈ-కేవైసీలో ఇబ్బందులు ఎదురవుతున్నాయని చెప్పారు.