అటవీ అధికారులకు అండగా ఉంటాం

చింతూరు ఐటీడీఏ పీవోకు వినతిపత్రం ఇస్తున్న అటవీ అధికారులు

చింతూరు, న్యూస్‌టుడే: అటవీ అధికారులకు అండగా ఉంటామని చింతూరు ఐటీడీఏ ప్రాజెక్టు అధికారి ఫర్మాన్‌ అహ్మద్‌ఖాన్‌ పేర్కొన్నారు. తెలంగాణలోని కొత్తగూడెం జిల్లాలో అటవీ అధికారి శ్రీనివాసరావు హత్యకు నిరసనగా ఏపీ జూనియర్‌ అటవీ అధికారుల యూనియన్‌ ఆద్వర్యంలో శుక్రవారం ర్యాలీ చేపట్టారు. అనంతరం పీవోకు వినతిపత్రం అందజేశారు. పీవో మాట్లాడుతూ అటవీ సిబ్బందికి ఎలాంటి ఇబ్బందులున్నా తన దృష్టికి తీసుకురావాలన్నారు. అంతకుముందు చింతూరు అటవీ కార్యాయలంలో శ్రీనివాసరావు చిత్రపటానికి పూలమాలలు వేసి నివాళి అర్పించారు. అనంతరం ఐటీడీఏ కార్యాలయం వరకు ర్యాలీ చేపట్టారు. చింతూరు డీఎఫ్‌వో సాయిబాబు, రేంజి అధికారి మోహని విజయలక్ష్మి, యూనియన్‌ నాయకులు, సిబ్బంది పాల్గొన్నారు.