ప్రజా చైతన్యంతోనే వైకాపాకు గుణపాఠం

అరుకులో మాట్లాడుతున్న మాజీ మంత్రి శ్రావణ్‌కుమార్‌

డుంబ్రిగుడ, న్యూస్‌టుడే: ప్రభుత్వ వ్యతిరేక విధానాలను అవలంభిస్తున్న వైకాపాకు గిరిజన ప్రజల చైతన్యంతో గుణపాఠం తప్పదని మాజీ మంత్రి శ్రావణ్‌కుమార్‌ అన్నారు. అరుకు సంతబయలు గ్రామంలో పార్టీ మండల శాఖ అధ్యక్షుడు తుడుము సుబ్బారావు, మాజీ సర్పంచి వెంకటరాజు ఆధ్వర్యాన ‘ఇదేం ఖర్మ మన రాష్ట్రానికి’ కార్యక్రమాన్ని శనివారం నిర్వహించారు. ఈ సందర్భంగా  ఆయన ఇంటింటికీ వెళ్లి ప్రభుత్వ వ్యతిరేక విధానాలను గిరిజన కుటుంబాలకు వివరించారు. గిరిజన కుటుంబాలు ఏర్పాటు చేసిన సభలో ఆయన మాట్లాడారు. మూడున్నర ఏళ్ల వైకాపా ప్రభుత్వ పాలనలో అభివృద్ధి గాలికి వదిలేశారని విమర్శించారు. ఎస్టీ సబ్‌ ప్లాన్‌తో నిరుద్యోగ యువతకు ఉపాధి కల్పించిన ఘనత తెదేపా అధినేత చంద్రబాబుకే దక్కుతుందన్నారు. వ్యవసాయం, గిరిజన సంక్షేమం, పీటీజీల అభివృద్ధికి ఊతమిచ్చిన ఘనత తెదేపాకే దక్కుతుందన్నారు. తెదేపా నేతలు నాగేశ్వరరావు, స్వామి,  ఆనందరావు, సుబ్బారావు,  సురేష్‌కుమార్‌ తదితరులు పాల్గొన్నారు.