జయపురం మహారాణి రమాదేవి కన్నుమూత

రమాదేవి (పాత చిత్రం)

జయపురం, మాడుగుల, న్యూస్‌టుడే: జయపురం చివరి మహారాణి రమాకుమారిదేవి (93) సోమవారం ఉదయం తన రాజభవనం మోతీ ప్యాలెస్‌లో తుదిశ్వాస విడిచారు. మహారాజా విక్రమ్‌దేవ్‌ నాలుగో సోదరుడు రామకృష్ణచంద్ర దేవ్‌ భార్య అయిన రమాకుమారి దేవి 1962లో ఉమ్మడి విశాఖ జిల్లా వి.మాడుగుల నుంచి కాంగ్రెస్‌ పార్టీ తరఫున ఎమ్మెల్యేగా పోటీ చేసి గెలిచారు.  1951-52 సమయంలో మోతీ ప్యాలెస్‌ (జయపురం) హవా మహల్‌ నిర్మించారు. ఈ మహల్‌ బాధ్యత పెద్ద కోడలు మయాంక్‌ దేవికి 2018లో అప్పజెప్పారు. రామకృష్ణ, రమాదేవికి ఒక కుమార్తె, ఇద్దరు కుమారులు. కుమారులు హారాజ్‌ శక్తి విక్రమ్‌దేవ్‌, మహారాజ్‌ విభూత్‌ భూషణ్‌లు మృతి చెందారు. ఆమె అంత్యక్రియలు చందన్‌వాడలోని రాజ శ్మశానంలో రాజసేవకుడు బినాయక్‌ స్వర్‌ చేతుల మీదుగా జరిగాయి.