బొండా ఘాట్‌లో జటి పండగ

పండగలో యువకులు..

ముంచంగిపుట్టు గ్రామీణం, న్యూస్‌టుడే: ఆంధ్రా - ఒడిశా సరిహద్దులోని బోండా ఘాట్‌లోని ఆన్‌డ్రహాల్‌ గ్రామంలో జరిగే కొట్టుకునే పండగ (జటి పండగ)కు ఓ ప్రత్యేకత ఉంది. ఈ గ్రామాల్లో నివసించే ఆదిమజాతి గిరిజనుల వేషాధారణ, సంప్రదాయాలకు ప్రపంచ వ్యాప్తంగా గుర్తింపు ఉంది. ఈ పండగకు సరిహద్దులోని ఆన్‌డ్రహాల్‌ గ్రామం వేదిక అయింది. శుక్రవారం మొదట గ్రామానికి చెందిన పూజారి ఇంట్లో ప్రత్యేక పూజలు జరిపిన తరువాత మేళతాలలోలో గ్రామానికి చెందిన రచ్చబండ వద్దకు వచ్చి అక్కడ ప్రత్యేక పూజలు చేశారు. నేటి ఆధునిక యుగంలో కూడ బోండా గిరిజనులు తమ సంప్రదాయాలను తూచ తప్పకుండా పాటించడం విశేషం.