చిరుధాన్యాల సాగుతో అధిక ఆదాయం

మాట్లాడుతున్న ఏడీ చిన్నయ్యదొర

అరకులోయ, న్యూస్‌టుడే: చిరుధాన్యాల సాగుని చేపట్టటం ద్వారా రైతులు అధిక ఆదాయాన్ని పొందవచ్చని వ్యవసాయ శాఖ సహాయ సంచాలకులు చిన్నయ్యదొర అన్నారు. చినలబుడు పంచాయతీ తుడుంలో వ్యవసాయ శాఖ ఆధ్వర్యంలో రైతులకు చిరుధాన్యాల సాగుపై అవగాహన కార్యక్రమాన్ని చేపట్టారు. రాగులు, సామలు, గంట్లు, ఊదలు వంటి పంటలకు మన్యం అనుకూలమన్నారు. చిరుధాన్యాలకు మార్కెట్‌లో మంచి డిమాండ్‌ ఉందన్నారు. ఇక్కడి వాతావరణ పరిస్థితులను సద్వినియోగం చేసుకుని ఆ పంటలు పండించి అధిక ఆదాయాన్ని పొందాలన్నారు. కార్యక్రమంలో వ్యవసాయ శాఖ సిబ్బంది, రైతులు పాల్గొన్నారు.