డీఆర్‌వోగా అంబేడ్కర్‌

మంగళ వారం పాడేరులో జిల్లా రెవెన్యూ శాఖ అధికారిగా బాధ్యతలు చేపట్టిన అంబేడ్కర్‌

పాడేరు, న్యూస్‌టుడే: జిల్లా రెవెన్యూ అధికారిగా చింతూరు యూనిట్‌-1 డిప్యూటీ కలెక్టర్‌గా పనిచేస్తున్న అంబేడ్కర్‌కు పూర్తి అదనపు బాధ్యతలు (ఎఫ్‌ఏసీ) అప్పగించారు. ఈ మేరకు ఆయన కలెక్టరేట్‌లో ముంగళవారం బాధ్యతలు స్వీకరించారు. అనంతరం మర్యాద పూర్వకంగా కలెక్టర్‌ సుమిత్‌ కుమార్‌ను కలిశారు. ప్రస్తుతం డీఆర్‌వోగా పని చేస్తున్న దయానిధి వ్యక్తిగత కారణాలతో ఇటీవల దీర్ఘకాలిక సెలవుపై వెళ్లారు. అప్పటి నుంచి ఈ పోస్టు ఖాళీగా ఉంది. దీంతో చింతూరు యూనిట్‌-1 డిప్యూటీ కలెక్టర్‌గా పనిచేస్తున్న అంబేడ్కర్‌కు డీఆర్వోగా అదనపు బాధ్యతలు అప్పగించారు. గతంలో అనకాపల్లి జిల్లా రోలుగుంట తహసీల్దార్‌గా పనిచేస్తున్న ఈయనకు ఇటీవల డిప్యూటీ కలెక్టర్‌గా పదోన్నతి కల్పించారు. ఆ హోదాలో చింతూరు రెవెన్యూ డివిజన్‌ పరిధిలో యూనిట్‌-1కు పోస్టింగ్‌ ఇచ్చిన సంగతి తెలిసిందే. గతంలో ఇదే జిల్లా చింతపల్లి తహసీల్దార్‌గానూ పని చేసిన అనుభవం ఈయనకు ఉంది.