అంగన్‌వాడీ కార్యకర్తల గృహ నిర్బంధం

పాడేరులో అంగన్‌వాడీ కార్యకర్తల సంఘం జిల్లా కార్యదర్శి భాగ్యలక్ష్మి నివాసం వద్ద ఎస్సై రంజిత్‌, పోలీసులు

పాడేరు పట్టణం, న్యూస్‌టుడే: అంగన్‌వాడీల సమస్యలు పరిష్కరించాలని కోరుతూ ఈనెల 20న విజయవాడలో నిర్వహించే ధర్నాకు జిల్లా నుంచి బయల్దేరుతున్న అంగన్‌వాడీ కార్యకర్తలను పోలీసులు గృహ నిర్బంధం చేశారు. పాడేరులో అల్లూరి జిల్లా అంగన్‌వాడీ కార్యకర్తల సంఘం కార్యదర్శి భాగ్యలక్ష్మి నివాసం వద్దకు వెళ్లి పోలీసులు వెళ్లి ఆమెను అడ్డుకున్నారు. ఈ సందర్భంగా ఆమె మాట్లాడుతూ ఎమ్మెల్సీ ఎన్నికల్లో వచ్చిన వ్యతిరేకతను చూసైనా వైకాపా ప్రభుత్వం బుద్ధి తెచ్చుకోవాలన్నారు. అంగన్‌వాడీ సిబ్బందిని భయభ్రాంతులకు గురిచేసి ఉద్యమాన్ని ఆపాలని ప్రభుత్వం ప్రయత్నిస్తోందని సీఐటీయూ జిల్లా ప్రధాన కార్యదర్శి ఉమామహేశ్వరరావు అన్నారు. వెంటనే వారి సమస్యలు పరిష్కరించాలని డిమాండ్‌ చేశారు.