వైకాపా పాలనపైౖ తిరుగుబాటు మొదలైంది!

మాజీ మంత్రి శ్రావణ్‌

దిగువశోభ గ్రామంలో తెదేపా నేతల ర్యాలీ

అనంతగిరి, న్యూస్‌టుడే: వైకాపా పాలనపై ప్రజల నుంచి తిరుగుబాటు మొదలైందని మాజీ మంత్రి శ్రావణ్‌కుమార్‌ అన్నారు. మండలంలోని ఎగువశోభ పంచాయతీ దిగువశోభ గ్రామంలో మంగళవారం నిర్వహించిన ఇదేం ఖర్మ మన రాష్ట్రానికి కార్యక్రమంలో ఆయన పాల్గొన్నారు.  తెదేపా నాయకులు గ్రామంలో ర్యాలీ కార్యక్రమం చేపట్టారు. శ్రావణ్‌కుమార్‌ మాట్లాడుతూ రానున్న అసెంబ్లీ ఎన్నికల్లో కూడా ప్రజలు వైకాపాకు తగిన గుణపాఠం చెబుతారన్నారు. సంక్షేమ పథకాల పేరిట కొద్ది మొత్తం ఇచ్చి, నిత్యావసర సరకుల ధరలు ఆకాశాన్ని అంటేలా చేసి సామాన్యుల జేబులకు చిల్లు పెడుతున్నారని ఆరోపించారు. నేతలు ఆనంద్‌, జోగులు, శ్యామ్‌, దయానిధి, నరేంద్ర, కొండమ్మ తదితరులు పాల్గొన్నారు.