మొరాయించిన ఆర్టీసీ బస్సులు..

కొక్కిరాపల్లి ఘాట్‌ మార్గంలో నిలిచిన బస్సు, వేచి ఉన్న ప్రయాణికులు

జి.మాడుగుల, న్యూస్‌టుడే: ఆర్టీసీ బస్సులు మొరాయించడంతో ప్రయాణికులు అవస్థలు పడ్డారు.  రంపచోడవరం నుంచి పాడేరు వెళ్తున్న ఆర్టీసీ బస్సు మంగళవారం కొక్కిరాపల్లి ఘాట్‌ మార్గంలో ఇంజిన్‌లో సాంకేతిక లోపంతో మొరాయించింది. ఘాట్‌ మార్గంలో నిలిచిపోవడంతో ప్రయాణికులు గంటకు పైగా వేచి ఉండాల్సి వచ్చింది. పాడేరు నుంచి మంప వెళుతున్న ఆర్టీసీ బస్సు కె.కోడాపల్లిలో నిలిచిపోయింది. ప్రయాణికులు ఇబ్బందులు పడ్డారు. ప్రయాణికులను కొంత సమయం తరవాత మరో బస్సులో పంపించారు.