కాలం చెల్లిన పాల సరఫరాపై నోటీసులు

పాల గోదామును పరిశీలిస్తున్న ఐసీడీఎస్‌ పీవో శారద

అరకులోయ, న్యూస్‌టుడే: అంగన్‌వాడీ కేంద్రాలకు పాలు సరఫరా చేసే గోదామును సోమవారం ఐసీడీఎస్‌ అధికారులు తనిఖీ చేశారు. ‘ఈనాడు’లో ‘అంగన్‌వాడీలకు కాలం చెల్లిన పాల సరఫరా’ శీర్షికన సోమవారం ప్రచురితమైన వార్తకు ఐసీడీఎస్‌ పీవో శారద స్పందించారు. ఎండపల్లివలసలోని పాల గోదామును తనిఖీ చేశారు. పాల పాకెట్ల తయారీ తేదీలను పరిశీలించారు. కాలం చెల్లిన పాలను గోదాము నిర్వాహకులకు అప్పగించి వాటి స్థానంలో కొత్త పాల పాకెట్లు అంగన్‌వాడీలకు అందజేశారు. ఈ సందర్భంగా పీవో మాట్లాడుతూ గుత్తేదారుకు నోటీసు జారీ చేశామని, ఉన్నతాధికారుల ఆదేశాల మేరకు చర్యలు తీసుకుంటామన్నారు.