డబ్బులకు పడిగాపులు

ఏపీజీవీబీ బ్యాంకుమిత్ర వద్ద గుమిగూడిన ఖాతాదారులు

పాడేరు పట్టణం, న్యూస్‌టుడే: రాష్ట్ర ప్రభుత్వం ఇటీవల రైతు భరోసా పథకం డబ్బులు రైతుల ఖాతాల్లో జమ చేసింది. వాటిని తీసుకునేందుకు వివిధ మండలాల నుంచి గిరిజన రైతులు జిల్లా కేంద్రం పాడేరులోని బ్యాంకులకు తరలివస్తున్నారు. ఉదయం తొమ్మిది గంటలకే బ్యాంకుల్లో క్యూ కడుతున్నారు. ఎండలో గొడుగులు పట్టుకొని డబ్బుల కోసం పడిగాపులు కాస్తున్నారు. పెదబయలు, ముంచంగిపుట్టు, హుకుంపేట, జి.మాడుగుల, పాడేరు మండలాల రైతులకు పాడేరు బ్యాంకుల్లో ఖాతాలున్నాయి. వీరికి బ్యాంకుల్లో డబ్బులు తీసుకునే సదుపాయం కల్పింలేదు. బ్యాంకు మిత్రల ద్వారా డబ్బులు తీసుకోవాల్సి రావడంతో ఆ పరిసరాల్లో గుమిగూడుతున్నారు.