స్పందనకు వందనం

మే 15న ఈనాడులో ప్రచురితమైన కథనం

గూడెంకొత్తవీధి, న్యూస్‌టుడే: మన్యంలో పసుపు కొనుగోలుకు అధికారులు చర్యలు తీసుకున్నారు. కొనుగోలు ధర నిర్ణయించి రైతు భరోసా కేంద్రాలు, మార్క్‌ఫెడ్‌ ద్వారా గిరిజన రైతుల వద్దనున్న పసుపు కొనుగోలు చేయనున్నారు. గిరిజన రైతులు పండించిన పసుపు కొనుగోలుకు ఎవరూ ముందుకు రాకపోవడంతో గ్రామాల్లో నిల్వలు పెరిగిపోయాయి. ఫలితంగా ధరలు పతనమయ్యాయి. ఈ విషయంపై మే 13న ‘పసుపుకొనేవారే కరవయ్యారు’ అనే శీర్షికన ‘ఈనాడు’లో కథనం ప్రచురితమైంది. ఈమేరకు అధికారులు కొనుగోలుకు చర్యలు తీసుకున్నారు. పసుపు క్వింటాలుకు రూ.6850 మద్దతు ధర కల్పిస్తూ కొనుగోలు చేయనున్నారని మార్క్‌ఫెడ్‌ జిల్లా మెనేజరు కె.రమేష్‌ తెలిపారు. రైతు భరోసా కేంద్రాల ద్వారానూ కొనుగోలు చేస్తామని రైతులు ఆర్బీకే బాధ్యులను సంప్రదించాలని కోరారు.