మాతా శిశు మరణాలు అరికట్టేందుకు చర్యలు

లోతుగెడ్డ పీహెచ్‌సీలోని వైద్యసిబ్బందితో మాట్లాడుతున్న జిల్లా ఇమ్యూనైజేషన్‌ అధికారి డా. సాధన

చింతపల్లి గ్రామీణం, న్యూస్‌టుడే: మాతా శిశు మరణాలు అరికట్టేందుకు ప్రత్యేక చర్యలు తీసుకోవాలని జిల్లా ఇమ్యునైజేషన్‌ అధికారి సాధన అన్నారు. బుధవారం లోతుగెడ్డ ప్రాథమిక ఆరోగ్య కేంద్రంలో ఆమె ఆకస్మిక తనిఖీలు చేశారు. వ్యాధి నిరోధక టీకాలు, వాటి శీతలీకరణ, నాణ్యత పరిశీలించారు. గర్భిణులు, చిన్నారులకు సకాలంలో టీకాలు వేయాలని, పర్యవేక్షణ సిబ్బంది గ్రామాలను సందర్శించి గిరిజనులకు మెరుగైన వైద్యసేవలు అందించాలన్నారు. వార్డులు, ప్రసూతి గదిని పరిశీలించారు. సుఖప్రసవాలు అధికంగా జరగడంపై సంతృప్తి వ్యక్తం చేశారు. వైద్యులు లక్ష్మీకాంత్‌, జానకి, సిబ్బంది భూలోకమ్మ, సింహాద్రి పాల్గొన్నారు.