‘స్వాతంత్య్ర సంగ్రామంలో ఏఐఎస్‌ఎఫ్‌ కీలక భూమిక’

సంఘ పతాకాన్ని ఆవిష్కరిస్తున్న రామకృష్ణ తదితరులు

విజయవాడ(అలంకార్‌కూడలి), న్యూస్‌టుడే : విద్యార్థులు, యువకులు రాజకీయాల్లోకి రావాలని సీపీఐ రాష్ట్ర కార్యదర్శి కె.రామకృష్ణ ఆకాంక్షించారు. శుక్రవారం విజయవాడ దాసరి భవన్‌లో ఏఐఎస్‌ఎఫ్‌ 87వ వ్యవస్థాపక దినోత్సవం నిర్వహించారు. నాయకులు పాతబస్టాండ్‌ నుంచి దాసరిభవన్‌ వరకు ర్యాలీ నిర్వహించారు. ఈ సందర్భంగా రామకృష్ణ మాట్లాడుతూ.. స్వాతంత్య్ర సంగ్రామంలో ఏఐఎస్‌ఎఫ్‌ కీలక భూమిక పోషించిందన్నారు. నేటి భాజపా ప్రభుత్వం ఆర్‌ఎస్‌ఎస్‌ విధానాలను అవలంభిస్తుందని, మోదీ మతతత్వ విధానాలపై ప్రజలంతా తిరగబడాలని సూచించారు. అనంతరం ఏఐఎస్‌ఎఫ్‌ పతాకావిష్కరణ చేశారు. ఈ కార్యక్రమంలో ఏఐఎస్‌ఎఫ్‌ రాష్ట్ర ప్రధాన కార్యదర్శి కె.శివారెడ్డి, సీపీఐ రాష్ట్ర కమిటీ నాయకులు అక్కినేని వనజ, సత్యనారాయణమూర్తి, మాజీ ఎమ్మెల్సీ జల్లి విల్సన్‌, సీపీఐ నగర కార్యదర్శి జి.కోటేశ్వరరావు, ఏఐఎస్‌ఎఫ్‌ రాష్ట్ర కమిటీ నాయకులు చందు, సుధీర్‌, రంజిత్‌, మధు, అయ్యప్ప, బన్నీ తదితరులు పాల్గొన్నారు.