హక్కు పత్రాల పంపిణీ వాయిదా

హనుమాన్‌జంక్షన్‌, న్యూస్‌టుడే : జగనన్న భూరక్ష-శాశ్వత భూహక్కు కార్యక్రమం ద్వారా భూముల సమగ్ర సర్వే తర్వాత రైతులకు అందజేసే హక్కు పత్రాల పంపిణీ వాయిదా పడినట్లు సమాచారం. వాస్తవానికి ఆదివారం గాంధీ జయంతిని పురస్కరించుకుని జిల్లాలో సర్వే పూర్తయిన 41 గ్రామాల్లో పంపిణీ ప్రక్రియ నిర్వహిస్తున్నట్లుగా ప్రచారం జరిగింది. ఆర్వోఆర్‌లు సిద్ధం కాకపోవడంతో కనీసం మండలానికి ఒక గ్రామంలోనైనా లాంఛనంగా కార్యక్రమం ప్రారంభించాలని భావించారు. వివిధ కారణాలతో ఇది కూడా వాయిదా పడింది. ఈ నెల రెండో వారం తర్వాత సీఎం చేతుల మీదుగా పంపిణీ ప్రారంభిస్తారని తెలుస్తోంది.