AP High Court: నారాయణపై అప్పుడే చర్యలొద్దు.. తీర్పు రిజర్వ్‌ చేసిన హైకోర్టు

అమరావతి: పదో తరగతి ప్రశ్నపత్రం లీకేజీ కేసులో మాజీ మంత్రి నారాయణ బెయిల్‌ రద్దు పిటిషన్‌పై తీర్పును హైకోర్టు ధర్మాసనం రిజర్వ్‌లో ఉంచింది. తదుపరి ఉత్తర్వులు ఇచ్చేవరకు చర్యలు తీసుకోవద్దని ఆదేశించింది. గతంలో చిత్తూరు తొమ్మిదో అదనపు జిల్లా కోర్టు.. నారాయణ బెయిల్‌ను రద్దు చేస్తూ ఉత్తర్వులు ఇచ్చింది. ఈనెల 30న లొంగిపోవాలని ఆదేశించింది ఈవిషయమై నారాయణ హైకోర్టులో వ్యాజ్యం దాఖలు చేశారు. ఇరువైపుల వాదనలు విన్న ధర్మాసనం తీర్పును రిజర్వ్‌ చేసింది. విచారణలో పిటిషనర్‌ తరఫున సీనియర్‌ న్యాయవాది సిద్ధార్థ లూథ్రా, రాష్ట్ర ప్రభుత్వం తరఫున అదనపు ఏజీ పొన్నవోలు సుధాకర్‌రెడ్డి వాదనలు వినిపించారు.