వివాహితను వేధిస్తున్న యువకుడి అరెస్టు

గుడివాడ గ్రామీణం, న్యూస్‌టుడే: వివాహితకు తరచూ ఫోన్‌ చేసి అసభ్యంగా ప్రవర్తిస్తూ వేధింపులకు గురి చేస్తున్న ఓ యువకుడిని గుడివాడ టూటౌన్‌ పోలీసులు గురువారం అరెస్టు చేశారు. టూటౌన్‌ పోలీసుల కథనం ప్రకారం పట్టణంలోని నైజాంపేటకు చెందిన బాషా సత్యన్నారాయణపురంలో సీలింగ్‌, రంగుల పనుల కోసం వెళ్లి ఆ ఇంటి యజమానురాలి ఫోన్‌ నెంబర్‌ తీసుకున్నాడు. కొద్ది రోజుల నుంచి తరచూ ఫోన్‌ చేసి అసభ్యంగా మాట్లాడుతున్నాడు. అక్కడితో ఆగక తన కోరిక తీర్చాలని వేధిస్తున్నాడు. దీంతో భరించలేని ఆమె పోలీసులను ఆశ్రయించింది. ఈ మేరకు పోలీసులు కేసు నమోదు చేసి దర్యాప్తు చేస్తున్నారు. ఇలాంటి కామోన్మాదులపై ఫిర్యాదు చేసే వారి పేర్లు గోప్యంగా ఉంచుతామని.. ఆడపిల్లలు నిర్భయంగా ఫిర్యాదు చేయొచ్చని సీఐ బి.తులసీధర్‌ తెలిపారు. ఆడ పిల్లలను వేధిస్తే ఎలాంటివారికైనా శిక్ష తప్పదన్నారు.