అర్హత ఉన్నా.. అందని సాయం

విజయవాడ గవర్నర్‌పేట, మూజియం రోడ్లో రిక్షా కార్మికుడిగా బతికే నాగేశ్వరరావు (67)కు ఎవరూ లేరు. తల్లిదండ్రులు చనిపోగా పెళ్లి కూడా చేసుకోకుండా రిక్షా తొక్కుతూ.. ఐవీప్యాలెస్‌ రోడ్లో గుడారం వేసుకుని జీవనం సాగిస్తున్నారు. శక్తి ఉన్నన్నాళ్లూ  కష్టపడి రిక్షా తొక్కుతూ వచ్చిన డబ్బుతో జీవనం సాగించేవారు. వయసు మీదపడి కష్టంగా ఉండడంతో 2021 డిసెంబరులో ప్రభుత్వ పింఛను కోసం దరఖాస్తు చేశారు. ఆధార్‌కార్డులో వయసు తప్పుగా ఉందని అధికారులు పింఛను మంజూరు చేయలేదు. డాక్టర్లు, అధికారుల చుట్టూ తిరిగి తనకు 67 ఏళ్ల వయసుందని.. ఆధార్‌లో మార్చులు చేసుకుని 2022 జనవరిలో మళ్లీ పింఛను కోసం దరఖాస్తు చేశారు. ఏడాది అవుతున్నా ఇప్పటికీ పింఛను మంజూరు కాలేదు.
ఈనాడు, అమరావతి