డా. కోటేశ్వరరావు సామాజిక సేవలు ఆదర్శనీయం

ఘంటసాల: మాజీ సర్పంచ్‌ డా. కోటేశ్వరరావు సామాజిక సేవలు ఆదర్శనీయమని విజయవాడ లోటస్‌ కన్‌స్ట్రక్షన్స్‌ కార్పొరేషన్ ఎండీ. వెంకటరామారావు, భవానీ ప్రసాద్‌ సోదరులు పేర్కొన్నారు. దేవరకోటలో రూ. 21 లక్షలతో నూతనంగా నిర్మించిన గ్రామ ముఖ ద్వారాన్ని, స్మారక వనాన్ని వెంకటరామారావు, భవనీ ప్రసాద్‌లతో పాటు ఆంధ్రవిశ్వవిద్యాలయం విశ్రాంత ప్రొఫెసర్ అట్లూరి అశోక్‌లు ఆదివారం ప్రారంభించారు. డా. కోటేశ్వరరావు  సామాజిక సేవలకు గుర్తింపుగా రైతు ఆంజనేయులు, డా. కోటేశ్వరరావు మార్బుల్‌ విగ్రహాలను  స్మారకవనంలో ఏర్పాటు చేశారు. డా. కోటేశ్వరరరావు సంస్మరణ సభను నిర్వహించారు. అనంతరం ఆయన చిత్రపటానికి నివాళి అర్పించారు. కార్యక్రమంలో డా. కోటేశ్వరరావు సతీమణి షీల, ఆంజనేయ చరణ్‌, పల్లవి, రత్నగిరిరావు, సర్పంచ్‌ వెంకటేశ్వరావు, తదితరులు పాల్గొన్నారు.