లైంగికంగా వేధిస్తున్నారంటూ అధికారిపై ఫిర్యాదు

పోలీస్‌ స్టేషన్‌ వద్ద బాధిరాలికి సంఘీభావంగా బుక్‌ కీపర్లు, వెలుగు కార్యాలయ సిబ్బంది, మహిళా సంఘ నాయకులు

కూచిపూడి, న్యూస్‌టుడే: తనను లైంగికంగా వేధింపులకు గురి చేశాడంటూ మొవ్వ మండల మహళా సమాఖ్య కార్యాలయంలో పని చేస్తున్న ఉద్యోగిని మంగళవారం కూచిపూడిలో పోలీసులకు ఫిర్యాదు చేశారు. ఆమెకు మద్దతుగా మండలంలోని బుక్‌ కీపర్లు, వెలుగు కార్యాలయం సిబ్బంది, మహిళా సంఘ నాయకులు పోలీస్‌ స్టేషన్‌ వద్దకు చేరుకొని సంఘీభావం తెలిపారు. మండల సమాఖ్య కార్యాలయంలో పన్నెండేళ్లుగా ఓ ఉద్యోగిని(40) పని చేస్తున్నారు  రికార్డులు పరిశీలించే క్రమంలో గత నెల 23న ఏపీఎం కాకుమాను సుబ్బారావు తన చేయి పట్టుకొని లాగాడని బాధితురాలు పోలీసులకు ఇచ్చిన ఫిర్యాదులో పేర్కొన్నారు. అదే సమయంలో లైంగిక వేధింపుల పాల్జేశాడని.. అప్పటి నుంచి తను మానసికంగా కుంగిపోయి ఆస్పత్రిపాలైనట్లు ప్రస్తావించారు. అతని నుంచి తనకు రక్షణ కల్పించాలని ఫిర్యాదు చేయగా కూచిపూడి పోలీసులు కేసు నమోదు చేశారు. సంబంధిత అధికారిపై చర్యలు తీసుకోకపోగా అధికార పార్టీకి చెందిన ఒక ఎంపీటీసీ సభ్యుడు రాజీ ప్రయత్నాలు చేయడం ఏమిటని మహిళా సంఘ నాయకులు విమర్శించారు.