పంట నష్టానికి పరిహారం ప్రకటించాలి

మోపిదేవి:  గత అయిదు రోజులుగా కురిసిన భారీ వర్షాలకు దెబ్బతిన్న టమోటో, మినుములు, మిర్చి పంటలకు ప్రభుత్వం నష్టపరిహారం ప్రకటించాలని అవనిగడ్డ మాజీ ఎమ్మెల్యే మండలి బుద్ధ ప్రసాద్ డిమాండ్‌ చేశారు. మంగళవారం ఆయన పంటలు దెబ్బతిన్న గ్రామాలను సందర్శించి రైతులతో మాట్లాడారు. జరిగిన నష్టాన్ని రైతులు ఆయనకు వివరించి కన్నీరు మున్నీరయ్యారు. పంటనష్టాన్ని అంచనా వేసి రైతులకు త్వరగా అందించాలని కోరారు. కార్యక్రమంలో తెదేపా నాయకులు మల్లిఖార్జున్‌, శాసనగిరి, హన్మాన్‌ ప్రసాద్‌ తదితరులు పాల్గొన్నారు.