ఆపన్నులను ఆదుకోవడమే లక్ష్యం

బాధిత కుటుంబ సభ్యునికి ఆర్థిక సాయం అందజేస్తున్న ట్రస్టు అధ్యక్షుడు, స్థానిక ప్రతినిధులు

నెప్పల్లి (కంకిపాడు), న్యూస్‌టుడే: ఆపన్నులను ఆదుకోవడమే లక్ష్యంగా సామాజిక సేవలు చేస్తున్నామని చలసాని నాగమణి ఫౌండేషన్‌ (అమ్మాజీ ఛారిటబుల్‌ ట్రస్ట్‌) వ్యవస్థాపకుడు చలసాని అరుణ్‌ప్రసాద్‌ అన్నారు. ఇటీవల నెప్పల్లిలో జరిగిన అగ్నిప్రమాద బాధితులు గొర్ల శివభవాని కుటుంబానికి శనివారం రూ.15 వేల ఆర్థిక సాయం చేశారు. ఈడుపుగంటి కిరణ్‌ తదితర పేద విద్యార్థులకు రుసుముల నిమిత్తం రూ.30 వేలు అందజేశారు. కరోనా లాక్‌డౌన్‌ సమయంలో రెండు నెలల పాటు రోజుకు 150 నుంచి 200 మందికి అన్నదానం చేసినట్లు ప్రతినిధులు తెలిపారు. విద్య, వైద్య సేవలకు ప్రాధాన్యం ఇస్తున్నామన్నారు. నెప్పల్లి పరిసర గ్రామాల్లోని పేదలను ఆదుకోవడానికి కార్యాచరణ రూపొందించామన్నారు. ‘తానా’ సభ్యులు కానూరు శ్రీహేమ, వెలంపల్లి సందీప్‌, తెదేపా సీనియర్‌ నాయకులు నల్లూరి కిరణ్‌, వల్లభనేని శివ, ట్రస్ట్‌ సభ్యులు ఆళ్ల శ్రీనివాసరెడ్డి, కొండవీటి రత్నబాబు, గ్రామ తెదేపా అధ్యక్షుడు కొలుసు గోవిందరాజు, దేవినేని శివయ్య, రాజు, లక్ష్మణ్‌, ఎ.నాని, రాము తదితరులు పాల్గొన్నారు.