TANA సౌజన్యంతో చందర్లపాడులో ఉచిత కంటివైద్య శిబిరం

ఎన్టీఆర్: ఉత్తర అమెరికా తెలుగు సంఘం (తానా), రోటరీ హాస్పిటల్‌- ఉయ్యూరు వారి సౌజన్యంతో ఎన్టీఆర్‌ జిల్లా చందర్లపాడు మండలం తోటరావులపాడు గ్రామంలో ఉచిత మెగా కంటివైద్య శిబిరం నిర్వహించారు. శీలంనేని మౌళేశ్వరరావు, సులోచన దేవి దంపతుల జ్ఞాపకార్థం గోపాలకృష్ణ, సుధాకర్‌ ఆధ్వర్యంలో ఈ కార్యక్రమం ఏర్పాటు చేశారు. ‘సర్వేంద్రియానాం నయనం ప్రధానం’ అనే లక్ష్యంతో నిర్వహించిన ఈ ఉచిత కంటి వైద్య శిబిరాన్ని స్థానిక తెదేపా నేతలతో కలిసి మాజీ ఎమ్మెల్యే తంగిరాల సౌమ్య  ప్రారంభించారు. చందర్లపాడుతోపాటు, పరిసర గ్రామాల ప్రజలు అధిక సంఖ్యలో ఈ అవకాశాన్ని వినియోగించుకున్నారు. ఉచితంగా కంటి పరీక్షలు నిర్వహించి, అవసరమైన వారికి కళ్ల అద్దాలు పంపిణీ చేశారు.