వీఆర్వో, కానిస్టేబుల్‌ వివాదంపై విచారణ

గుడివాడ(నెహ్రూచౌక్‌), న్యూస్‌టుడే: వీఆర్వో, మహిళా కానిస్టేబుల్‌ వివాదంపై కలెక్టరు రంజిత్‌ బాషా ఆదేశాల మేరకు ఆర్డీవో పద్మావతి సోమవారం విచారణ చేపట్టారు. విచారణకు ఇద్దరూ హాజరు కావాలని ఆర్డీవో ఉత్తర్వులు జారీ చేసినప్పటికీ వీఆర్వో అనిల్‌కుమార్‌ మాత్రమే హాజరయ్యారు. మహిళా కానిస్టేబుల్‌ రమాదేవి గైర్హాజరయ్యారు. వీఆర్వోతోపాటు గొడవ జరిగినప్పుడు ప్రత్యక్షంగా ఉన్న అంగన్‌వాడీ కార్యకర్తలు కూడా హాజరవ్వగా వేర్వేరుగా వారిని ఆర్డీవో విచారించారు. కానిస్టేబుల్‌ రమాదేవిని కూడా విచారించిన తర్వాత నివేదికను ఉన్నతాధికారులకు పంపిస్తామని ఆమె తెలిపారు.