వీఆర్వోల సమస్యలు పరిష్కరించాలి

కలెక్టర్‌కు వినతిపత్రం సమర్పించిన సంఘ నాయకులు

కలెక్టరేట్‌(మచిలీపట్నం), న్యూస్‌టుడే: గ్రామ రెవెన్యూ అధికారులకు(వీఆర్వో) సంబంధించిన సమస్యలను పరిష్కరించాలని కోరుతూ వీఆర్వో సంఘ నాయకులు కలెక్టర్‌ రంజిత్‌బాషాకు వినతిపత్రం అందజేేశారు. కలెక్టరేట్‌లో బుధవారం ఆయనను కలిసిన సంఘ రాష్ట్ర అధ్యక్షులు భూపతిరాజు రవీంద్రరాజు, రాష్ట్ర ప్రచార కార్యదర్శి మిరియాల లక్ష్మీనారాయణ మాట్లాడుతూ జిల్లాలో పనిచేస్తున్న గ్రేడ్‌-2 వీఆర్వోకు ప్రొబేషన్‌ కల్పించేలా చర్యలు తీసుకోవాలని విజ్ఞప్తి చేశారు. గుడివాడ వీఆర్వో అనిల్‌పై ఇటీవల పోలీసులు ఏకపక్షంగా కేసు నమోదు చేశారని, విచారించి తగు న్యాయం చేయాలని కోరారు. సీనియర్‌ అసిస్టెంట్‌లుగా వీఆర్వోల పదోన్నతికి తగు చర్యలు తీసుకోవాలన్నారు. వీఆర్‌ఏల నుంచి అర్హులైన వారికి గ్రేడ్‌-2 వీఆర్వోలుగా అవకాశం కల్పించాలని కోరారు. సంఘ రాష్ట్ర నాయకులు గోపాలకృష్ణ, జిల్లా ప్రధాన కార్యదర్శి కొడాలి సందీప్‌, నాయకులు నరసింహారావు, నళినికుమార్‌, వెంకటేశ్వరరావు, తదితరులు కలెక్టర్‌ను కలిసిన వారిలో ఉన్నారు.