1500 పైగా విద్యార్థుల ఆలోచనలు

రాష్ట్ర ప్రదర్శనకు ఉత్తమ ప్రాజెక్టులు

పెడన గ్రామీణం, న్యూస్‌టుడే: జిల్లాలో స్కూల్‌ ఇన్నోవేటివ్‌ ప్రోగ్రాం(ఎస్‌ఐపి) కింద విద్యార్థులు 1500 ఆలోచనలతో ఆన్‌లైన్లో దరఖాస్తు చేసుకున్నారని జిల్లా సైన్సు అధికారి జాకీర్‌ అహ్మద్‌ తెలిపారు. ప్రభుత్వ పాఠశాలల్లో చదువుతున్న 8వ తరగతి విద్యార్థులు మాత్రమే ఈ ఆలోచనలు పంచుకోవటానికి అవకాశం ఉందని వివరించారు. విద్యార్థుల ఆలోచనలకు సంబంధించిన నమూనాల్ని తయారు చేయటానికి పరికరాల్ని అందిస్తామని వివరించారు. వీటిలో జిల్లా నుంచి ఒక ఉత్తమ నమూనాను ఎంపిక చేస్తామని తెలిపారు. ఉత్తమ నమూనాలతో రాష్ట్ర ప్రదర్శన ఏర్పాటు చేస్తారని వివరించారు.