బంగారం రుణాల మంజూరులో యూనియన్‌ బ్యాంక్‌ రికార్డు

విజయ చిహ్నం చూపిస్తున్న సిబ్బంది

పామర్రు, న్యూస్‌టుడే: స్థానిక యూనియన్‌ బ్యాంకు శాఖ ఒక్క రోజులోనే రూ.2.16 కోట్లకుపైగా బంగారు రుణాలను మంజూరు చేసి అరుదైన రికార్డును సొంతం చేసుకొని పాన్‌ ఇండియా స్థాయిలో 2వ స్థానం సాధించిందని ఆ బ్యాంక్‌ రీజనల్‌ హెడ్‌ హరిరామ్‌ తెలిపారు. గురువారం స్థానిక శాఖా కార్యాలయంలో ఏర్పాటుచేసిన ప్రత్యేక కార్యక్రమంలో ఆయన కేక్‌ కోసి సిబ్బందికి పంచిపెట్టి, వారిని అభినందించారు.ఈ సందర్భంగా బ్యాంకు జీఎం నవనీత్‌కుమార్‌, మేనేజర్‌, సిబ్బందిని ప్రత్యేక వీడియోలో అభినందించారు. బ్రాంచి మేనేజర్‌ శేషగిరిరావు, సిబ్బంది, ఖాతాదారులు పాల్గొన్నారు.