పేదలకు గృహ యోగమేదీ..!?

లేఔట్‌ వేయక.. మౌలిక సదుపాయాల్లేక..

పామర్రులోని ఇళ్లు లేని పేదలకు నివేశన స్థలాలు, ఇళ్ల నిర్మాణం కోసం 2019లో ప్రభుత్వం కొనుగోలుచేసిన భూమి ఇది. సుమారు 2 వేల మందికి ఇళ్ల స్థలాలు ఇవ్వడానికి 30 ఎకరాల భూమిని అధికారులు కొనుగోలు చేశారు. ఇందులో కొంత భూమికి సంబంధించి న్యాయ సమస్యలుండడంతో లేఔట్‌ పనులు ఆపేశారు. 5 నెలల కిందట సమస్యలన్నీ తొలగిపోయాయి. అధికారులు పేదలకు ఇళ్ల స్థలాలు చూపించినప్పటికీ మౌలిక సదుపాయలు కల్పించడం లేదు. అన్నిచోట్లా గృహనిర్మాణాలు చేపడుతున్నా.. ఇక్కడ మాత్రం పనులు మొదలు కాలేదు. లేఔట్‌ మొత్తం గడ్డి, ముళ్ల పొదలు పెరిగాయి. సరహద్దు రాళ్లు విరిగిపోయి కనిపిస్తున్నాయి.

ఈనాడు, అమరావతి, న్యూస్‌టుడే, పామర్రు గ్రామీణం