మెరుగైన వైద్య సేవలందించాలి

మచిలీపట్నం(గొడుగుపేట),న్యూస్‌టుడే: ప్రజలకు మెరుగైన వైద్యసేవలు అందించాలని జిల్లా వైద్య ఆరోగ్యశాఖాధికారి డా. జి. గీతాబాయి అన్నారు. శుక్రవారం మచిలీపట్నంలోని డీఎంహెచ్‌వో కార్యాలయంలో జిల్లాలోని పీహెచ్‌సీలు, పట్టణ ఆరోగ్యకేంద్రాల వైద్యసిబ్బందితో సమీక్షా సమావేశం నిర్వహించారు. ఈ సందర్భంగా ఆమె మాట్లాడుతూ ఫ్యామిలీ డాక్టర్‌ కార్యక్రమంలో భాగంగా  గ్రామాలను సందర్శించి రోగులకు సేవలు అందించడంతోపాటు ఆయా ప్రాంతాల్లోని పాఠశాలలు, అంగన్‌వాడీ కేంద్రాలకు వెళ్లి పిల్లలకు వైద్యపరీక్షలు చేయాలన్నారు, ప్రభుత్వం అమలు చేస్తున్న వివిధ పథకాల అమలు, ఇమ్యునైజేషన్‌ కార్యక్రమం తదితరాలపై ఆరా తీశారు. అవనిగడ్డ మండలం వేకనూరులో జరిగిన మాతృమరణంపై ఆ ప్రాంత వైద్యులు, సిబ్బందితో సమీక్షించారు. జిల్లా  ఇమ్యునైజేషన్‌ అధికారి డా.శర్మిష్ట, వివిధ విభాగాల అధికారులు కె.రత్నగిరి, సుదర్శన్‌బాబు, రామారావు, దీవెనమ్మ, సాంబిరెడ్డి, బి.రాజేంద్ర తదితరులు పాల్గొన్నారు.