Dollar Seshadri: డాలర్‌ శేషాద్రి మృతికి జగన్‌, చంద్రబాబు సంతాపం

అమరావతి: తిరుమల ఆలయ ఓఎస్డీ డాలర్‌ శేషాద్రి హఠాన్మరణంపై ఏపీ సీఎం జగన్‌, తెదేపా అధినేత చంద్రబాబు దిగ్భ్రాంతి వ్యక్తం చేశారు. శేషాద్రి కుటుంబసభ్యులకు జగన్‌ తన ప్రగాఢ సానుభూతి తెలిపారు. 1978 నుంచి ఆయన శ్రీవారి సేవలో ఉన్నారని.. చివరి క్షణం వరకు సేవలో తరించారని పేర్కొన్నారు.  

డాలర్‌ శేషాద్రి మృతి బాధాకరమని తెదేపా అధినేత చంద్రబాబు అన్నారు. శేషాద్రి మృతి తితిదేకు తీరని లోటని చెప్పారు. ఆయన నిత్యం వేంకటేశ్వరస్వామి సేవలో తరించేవారని.. తితిదేకు విశేష సేవలందించారన్నారు. డాలర్‌ శేషాద్రి ఆత్మకు శాంతి చేకూరాలని ప్రార్థిస్తున్నట్లు చంద్రబాబు తెలిపారు.