logo
Published : 05/12/2021 04:56 IST

నూతన విద్యా విధానంతో ఆత్మనిర్భర్‌ భారత్‌ సాధ్యం


 

జ్యోతి ప్రజ్వలన చేస్తున్న ఏఐసీటీఈ ఛైర్మన్‌ అనిల్‌డి సహస్ర బుద్ధే, పక్కన రాష్ట్ర ఉన్నత విద్యా మండలి ఛైర్మన్‌ హేమచంద్రారెడ్డి, తదితరులు

కానూరు, న్యూస్‌టుడే: కేంద్ర ప్రభుత్వం తీసుకువచ్చిన నూతన విద్యా విధానంతో ఆత్మనిర్భర్‌ భారత్‌ సాక్షాత్కారమవుతుందని ఏఐసీటీఈ ఛైర్మన్‌ అనిల్‌డి సహస్ర బుద్ధే అన్నారు. శనివారం విజయవాడలోని కానూరు వీఆర్‌ సిద్ధార్థ ఇంజినీరింగ్‌ కళాశాలలో నాగార్జున ఎడ్యుకేషనల్‌ సొసైటీ, కళాశాల నేతృత్వంలో జరిగిన అంతర్జాతీయ సదస్సులో ఆయన మాట్లాడారు. ఈ విద్యా విధానం.. రానున్న 15 ఏళ్లలో దేశానికి పూర్వ వైభవం తీసుకు రావడానికి దోహదపడుతుందన్నారు. ఈ దశాబ్దంలో డిజిటల్‌ ఇండియా, అనంతరం మేకిన్‌ ఇండియా.. ప్రస్తుతం ఆత్మనిర్భర్‌ భారత్‌ కార్యక్రమాలతో జాతిని జాగృతం చేస్తున్నామన్నారు. మరో 15 ఏళ్లలో ప్రతి కళాశాలకు స్వయం ప్రతిపత్తి హోదా ఇచ్చే విధంగా ప్రణాళికలు సిద్ధం చేస్తున్నామన్నారు. కళాశాల తరఫునే విద్యార్థులకు డిగ్రీ పట్టాను అందించే రోజులు రానున్నాయన్నారు. రాష్ట్ర ఉన్నత విద్యా మండలి ఛైర్మన్‌ కె.హేమచంద్రారెడ్డి మాట్లాడుతూ.. ప్రభుత్వం అందిస్తున్న పథకాలను కళాశాలలు సద్వినియోగం చేసుకోవాలన్నారు. సిద్ధార్థ అకాడమీ అధ్యక్షులు నల్లూరు వెంకటేశ్వర్లు, కార్యదర్శి పాలడుగు లక్ష్మణరావు, కన్వీనర్‌ మలినేని రాజయ్య, ప్రిన్సిపల్‌ ఏవీ రత్నప్రసాదు, నాగార్జున విద్యా సంసంస్థల అధినేత రమేష్‌  కుమార్‌, వివిధ దేశాల ప్రతినిధులు, పాల్గొన్నారు.

Read latest Amaravati News and Telugu News

 Follow us on Facebook, Twitter, Instagram, Koo, ShareChat and Google News. Subscribe our Telegram Channel.

Advertisement

Tags :

మరిన్ని

జిల్లా వార్తలు

సినిమా

మరిన్ని

బిజినెస్

మరిన్ని

క్రీడలు

మరిన్ని

పాలిటిక్స్

మరిన్ని

వెబ్ ప్రత్యేకం

మరిన్ని

జాతీయం

మరిన్ని