ఆరుబయట చదువుతూ నిరసన

కళాశాల వెలుపల కూర్చున్న విద్యార్థులు

జగ్గయ్యపేట, న్యూస్‌టుడే: జగ్గయ్యపేటలోని శ్రీమతి గెంటేల శకుంతలమ్మ (ఎస్‌జీఎస్‌) ఎయిడెడ్‌ కళాశాలను ప్రైవేటీకరణ చేయడాన్ని వ్యతిరేకిస్తూ ఎస్‌ఎఫ్‌ఐ ఆద్వర్యంలో విద్యార్థులు చేపట్టిన ఆందోళన శనివారం కూడా కొనసాగింది. విద్యార్థులు ఆరుబయట కూర్చొని చదువుతూ నిరసన తెలిపారు. ఎస్‌ఎఫ్‌ఐ మండల కార్యదర్శి ప్రణయ్‌తేజ ఆధ్వర్యంలో సాగిన ఆందోళనలో సంఘ నేతలు మాట్లాడుతూ... 35, 42, 50 జీఓలను రద్దు చేయాలని డిమాండ్‌ చేశారు. కళాశాల పూర్వ విద్యార్థులు కాసరగడ్డ నాగేశ్వరరావు, రామనాథం మద్దతు ప్రకటించారు. కార్యక్రమంలో వంశీ, రాజు, ప్రదీప్‌, చంద్రమౌళి, పవన్‌సాయి, నర్మదా, జూహిదా, రమ్య, కళ్యాణి, ప్రత్యూష, శ్రావణి తదితరులు పాల్గొన్నారు.