దూరవిద్య ప్రవేశాలగడువు పొడిగింపు

మాచవరం, న్యూస్‌టుడే : స్థానిక ఎస్సారార్‌ అండ్‌ సీవీఆర్‌ ప్రభుత్వ డిగ్రీ కళాశాల ప్రాంగణంలోని డాక్టర్‌ బీఆర్‌ అంబేడ్కర్‌ సార్వత్రిక విశ్వవిద్యాలయం ప్రాంతీయ అధ్యయన కేంద్రంలో 2021-22 విద్యా సంవత్సరానికిగాను డిగ్రీ, పీజీ కోర్సుల్లో ప్రవేశాలకు ఈ నెల 10వ తేదీ వరకు గడువు పొడిగించామని సహాయ సంచాలకుడు డాక్టర్‌ ఎం.అజంతకుమార్‌ తెలిపారు. గడువు గత నెల 25వ తేదీతో ముగిసినప్పటికీ.. విద్యార్థుల తల్లిదండ్రుల కోరిక మేరకు ఈ నెల 10వ తేదీ వరకు పొడిగించామని వివరించారు. ఆసక్తిగల అభ్యర్థులు 0866-2434868, 73829 29642 ఫోన్‌ నంబర్లలో సంప్రదించాలని ఆయన సూచించారు.