ఈడీగా దుర్గాబాయి బాధ్యతల స్వీకరణ

జిల్లాపరిషత్తు(గుంటూరు), న్యూస్‌టుడే: జిల్లా బీసీ కార్పొరేషన్‌ ఈడీగా డి.దుర్గాబాయి బాధ్యతలు స్వీకరించారు. నగరంలోని కన్నావారితోటలో ఉన్న కార్పొరేషన్‌ కార్యాలయంలో దస్త్రంపై సంతకం చేసి గురువారం విధుల్లో చేరారు. అనంతరం జిల్లా కలెక్టరు వివేక్‌ యాదవ్‌ను మర్యాదపూర్వకంగా కలిశారు. కార్పొరేషన్‌ ఏఈవో శ్రీనివాసరావు, ఉద్యోగులు అనిల్‌, వెంకటేశ్వరరావులు పుష్పగుచ్ఛం అందజేసి శుభాకాంక్షలు తెలిపారు. దుర్గాబాయి ఇప్పటి వరకు జిల్లా ఉపాధి కల్పన అధికారిగా పని చేశారు. డిప్యుటేషన్‌పై ఈడీగా ప్రభుత్వం నియమించిన విషయం విదితమే.