కనీస పరిజ్ఞానం లేకుండా రైతుకు సేవలెలా?

రాంభొట్లపాలెం(చెరుకుపల్లి గ్రామీణ), కర్లపాలెం, న్యూస్‌టుడే : ధాన్యం సేకరణ, తేమ శాతం పరీక్షలు, వివరాల నమోదుపై కనీస పరిజ్ఞానం కూడా లేకుండా రైతులకు సేవలెలా అందిస్తారని రైతుభరోసా కేంద్రం సిబ్బందిపై రాష్ట్ర పౌర సరఫరాల సంస్థ ఎండీ వీరపాండ్యన్‌ ఆగ్రహం వ్యక్తం చేశారు. గురువారం చెరుకుపల్లి మండలం రాంభొట్లపాలెంలోని ఆర్బీకే, కర్లపాలెం మండలం నల్లమోతువారిపాలెం సమీపంలోని ఎఫ్‌సీఐ గోదామును ఆయన తనిఖీ చేశారు. రైతులకు అందించే సేవలపై రాంభొట్లపాలెంలో సిబ్బందిని ప్రశ్నించగా, సరైన సమాధానం రాలేదు. తాను మరోసారి వచ్చే సరికి మార్పు కనిపించాలని వీరపాండ్యన్‌ ఆదేశించారు.