Nara Lokesh: అవి సహజ మరణాలైతే ఎఫ్‌ఐఆర్‌ ఎందుకు?: లోకేశ్‌

అమరావతి: పశ్చిమగోదావరి జిల్లా జంగారెడ్డిగూడెంలోని వరుస మరణాలు రాష్ట్ర ప్రభుత్వానికి పట్టడం లేదని తెదేపా జాతీయ ప్రధాన కార్యదర్శి, ఎమ్మెల్సీ నారా లోకేశ్‌ అన్నారు. వైకాపా నేతల ప్రోత్సాహంతోనే నాటు సారా తయారవుతోందని ఆయన ఆరోపించారు. శాసనమండలి వద్ద మీడియాతో ఆయన మాట్లాడారు. నాటు సారా మరణాలపై ప్రభుత్వం చర్చకు ఎందుకు రావడం లేదని లోకేశ్ నిలదీశారు. జంగారెడ్డిగూడెం మరణాలను సహజ మరణాలుగా సీఎం జగన్‌ పేర్కొనడాన్ని ఆయన తప్పుబట్టారు. సహజ మరణాలైతే ఎఫ్‌ఐఆర్‌ ఎందుకు నమోదు చేశారని ప్రశ్నించారు. మంత్రి చెప్పేదొకటి.. సీఎం చెప్పేది మరొకటని ఎద్దేవా చేశారు. సీఎం జగన్‌ రాజీనామా చేయాలని.. దీనిపై జంగారెడ్డిగూడెం ఘటనపై న్యాయ విచారణ జరిపించాలని లోకేశ్‌ డిమాండ్‌ చేశారు.