AP News: ‘బాలయ్య గెలిస్తే రాజకీయాల నుంచి తప్పుకొంటా’

ఎమ్మెల్సీ ఇక్బాల్‌

సమావేశంలో మాట్లాడుతున్న ఇక్బాల్‌

హిందూపురం పట్టణం, న్యూస్‌టుడే: నియోజకవర్గ ఎమ్మెల్యే బాలకృష్ణ రాజీనామా చేసి ఎన్నికల్లో తనతో పోటీపడాలని, ఓడిపోతే రాజకీయాలను వదిలేసి, హిందూపురం వదిలి వెళ్లిపోతానని ఎమ్మెల్సీ ఇక్బాల్‌ సవాల్‌ విసిరారు. బుధవారం పట్టణంలో తన కార్యాలయంలో ఆయన విలేకర్ల సమావేశం నిర్వహించారు. ఈ సందర్భంగా ఎమ్మెల్సీ మాట్లాడుతూ వరుస ఓటములతో కుదేలవుతుండటంతో, ప్రజల్లో అభాసుపాలవుతామనే భయంతోనే మాజీ సీఎం చంద్రబాబు పరిషత్‌ ఎన్నికల బహిష్కరణ డ్రామా ఆడారన్నారు. కుప్పం నుంచి హిందూపురం వరకు ఎన్నికల్లో ఓడిపోయినా, ఆత్మ విమర్శ చేసుకోకుండా, ఇంకా సమర్థించుకోవడానికి తెదేపా నాయకులు ప్రయత్నించడం వారి దివాలా కోరుతనానికి నిదర్శనమని పేర్కొన్నారు.