విద్యుత్తు శాఖ ఏడీఈ మృతి

పుట్టపర్తి గ్రామీణం : విద్యుత్తు శాఖ పుట్టపర్తి ఏడీఈ నరేంద్రబాబు గుండెనొప్పితో సత్యసాయి సూపర్‌ స్పెషాలిటీ ఆసుపత్రిలో చికిత్స పొందుతూ శుక్రవారం అర్ధరాత్రి తరువాత 1.15 గంటలకు మృతి చెందారు. గత ఏడాది జులైలో తెలంగాణ నుంచి బదిలీపై పుట్టపర్తికి వచ్చారు. ఎనుములపల్లిలో నివాసం ఉంటున్నారు. ఈ నెల 2న ఉదయం ఛాతిలో నొప్పిగా ఉండటంతో సత్యసాయి సూపర్‌ స్పెషాలిటీ ఆసుపత్రిలో చేరారు. చికిత్స పొందుతూ మృతి చెందినట్లు వైద్యులు తెలిపారు. ఆయన స్వగ్రామం చిత్తూరు జిల్లా పీలేరు. బంధువులు మృతదేహాన్ని స్వగ్రామానికి తీసుకెళ్లారు. ఆయనకు భార్య, ఇద్దరు కుమారులున్నారు.