టీఎన్‌టీయూసీ కార్మికులకు అండగా నిలవాలి

టీఎన్‌టీయూసీ జిల్లా కమిటీని ప్రకటిస్తున్న తెదేపా పొలిట్‌బ్యూరో సభ్యుడు కాలవ శ్రీనివాసులు

అనంతపురం(రాణినగర్‌), న్యూస్‌టుడే: అన్ని వర్గాల కార్మికులకు తెలుగు నాడు ట్రేడ్‌ యూనియన్‌ (టీఎన్‌టీయూసీ) అండగా నిలవాలని తెదేపా పొలిట్‌బ్యూరో సభ్యుడు కాలవ శ్రీనివాసులు పేర్కొన్నారు. అనంతపురం పార్లమెంటు తెదేపా కార్యాలయంలో టీఎన్‌టీయూసీ పార్లమెంటు కమిటీని గురువారం ఎంపిక చేశారు. ప్రభుత్వం అన్ని వర్గాల వారిని విస్మరించిందన్నారు. కార్మిక, కర్షక వ్యతిరేక విధానాలను ప్రజల్లోకి తీసుకెళ్లడంలో నూతన కమిటీ సభ్యులు కృషి చేయాలన్నారు. కార్యక్రమంలో పార్లమెంటు ప్రధాన కార్యదర్శి శ్రీధర్‌చౌదరి, టీఎన్‌టీయూసీ పార్లమెంటు అధ్యక్షుడు మేకల వెంకటేశ్‌ గౌడ్‌, ప్రధాన కార్యదర్శి జిలాన్‌, రాష్ట్రకమిటీ సభ్యులు నాగభూషణం పాల్గొన్నారు.

నూతన కమిటీ ఇదే

మొత్తం 40మందితో కమిటీని ఎంపిక చేశారు. అనంతపురం పార్లమెంటు అధ్యక్షుడిగా మేకల వెంకటేశ్‌గౌడ్‌(అనంతపురం), ప్రధాన కార్యదర్శిగా జిలాన్‌(గుంతకల్లు)ను ఎంపిక చేశారు. 8మంది ఉపాధ్యక్షులు, ఐదుగురు అధికార ప్రతినిధులు, 9మంది కార్యనిర్వాహక కార్యదర్శులు, 9మంది కార్యదర్శులు, మరో ఆరుగురికి వివిధ హోదాలు కల్పించారు.