తాగునీటి పైపులైన్‌కు రూ.4 కోట్లు

కలెక్టర్‌కు వినతిపత్రం అందిస్తున్న ఎమ్మెల్యే ప్రకాష్‌రెడ్డి, తదితరులు

జిల్లా వ్యవసాయం, జిల్లా సచివాలయం: ఆత్మకూరు నుంచి అనంతపురం గ్రామీణం కక్కలపల్లికాలనీ, పాపంపేట గ్రామ పంచాయతీలకు తాగునీరు అందించేందుకు పైప్‌లైన్‌ నిర్మాణానికి మండల నిధుల కింద రూ.4 కోట్లు కేటాయిస్తూ అనుమతులు మంజూరు చేసినట్లు రాప్తాడు ఎమ్మెల్యే తోపుదుర్తి ప్రకాష్‌రెడ్డి తెలిపారు. కక్కలపల్లి కాలనీ పంచాయతీ మహిళలు గురువారం తాగునీటి కోసం ఖాళీ బిందెలతో గురువారం పంచాయతీ కార్యాలయాన్ని ముట్టడించిన విషయం తెలిసిందే. ఎమ్మెల్యే స్పందించి, కలెక్టర్‌ నాగలక్ష్మిని కలిసి వినతిపత్రం అందజేశారు. కాలనీల్లో నీటి సమస్య అధికంగా ఉందని, త్వరలో టెండర్లు పిలిచేందుకు పరిపాలనా అనుమతులు మంజూరు చేయాలని కలెక్టర్‌ను కోరారు. అనంతపురం గ్రామీణం సోమలదొడ్డి పంచాయతీలో అన్యాక్రాంతమైన ప్రభుత్వ భూములను స్వాధీనం చేసుకుని 300 మంది పేదలకు ఇంటి పట్టాలు ఇచ్చేలా చర్యలు తీసుకోవాలని ఎమ్మెల్యే కలెక్టర్‌ను కోరారు.