రూ.60కి కిలో టమోటా

జిల్లా వ్యవసాయం, న్యూస్‌టుడే: మార్కెట్లో టమోటా ధరలు కిలో రూ.80-100 పలుకుతున్నాయి. సామాన్య ప్రజలు కొనలేని పరిస్థితి. దీంతో మార్కెటింగ్‌శాఖ రంగంలోకి దిగింది. కాస్త ధర తగ్గించి, విక్రయించాలని నిర్ణయించినట్లు మార్కెటింగ్‌శాఖ సహాయ సంచాలకులు పరమేశ్వరన్‌ తెలిపారు. కర్ణాటకలోని కోలార్‌ మార్కెట్‌ నుంచి సాహు అనే మేలు రకం టమోటాను 12 మెట్రిక్‌ టన్నులు జిల్లాకు తెప్పించినట్లు ఆయన పేర్కొన్నారు. బుధవారం నుంచి అనంతపురం ఎన్‌టీఆర్‌ రైతుబజారుతోపాటు అనంతపురం, తాడిపత్రి వ్యవసాయ మార్కెట్‌యార్డుల్లో సిబ్బంది ద్వారా కిలో రూ.60 చొప్పున విక్రయిస్తామని ఆయన తెలియజేశారు.