కోరలు చాస్తున్న కరోనా

ఒకే రోజు ఆరు కేసులు

అనంతపురం(వైద్యం), న్యూస్‌టుడే: జిల్లాలో కరోనా మహమ్మారి చాప కింద నీరులా విస్తరిస్తోంది. బుధవారం ఏకంగా ఆరు కేసులు నమోదయ్యాయి. మంగళవారం మూడు క్రియాశీలక కేసులు ఉండగా.. బుధవారం ఆ సంఖ్య తొమ్మిదికి చేరింది. ఇందులో ఒకరు ప్రభుత్వ సర్వజన ఆసుపత్రిలో చికిత్స పొందుతుండగా మిగతా 8 మంది హోం ఐసొలేషన్‌లో ఉన్నారు. కరోనా విజృంభిస్తుండటంతో వైద్యాధికారులు అప్రమత్తం అవుతున్నారు. ప్రభుత్వ సర్వజన ఆసుపత్రి ముఖద్వారంలోని కొవిడ్‌ ఓపీలో సిబ్బందిని కేటాయించారు. ముగ్గురు నర్సులను ఒక షిప్టుకు కేటాయించారు. దీనికి తోడు అక్కడే కొవిడ్‌ పరీక్షలు నిర్వహిస్తున్నారు.