వాడవాడలా .. మువ్వన్నెల జెండా

గుంతకల్లు పట్టణంలో జాతీయ జెండాలతో రోటరీ స్కూలు విద్యార్థుల ప్రదర్శన

గుంతకల్లు పట్టణం, న్యూస్‌టుడే: గుంతకల్లు పట్టణంలో 75వ స్వాతంత్య్ర అమృత్‌ మహోత్సవ కార్యక్రమాలను ఘనంగా నిర్వహించారు. స్థానిక రోటరీ క్లబ్‌ ఆధ్వర్యంలో పాఠశాల విద్యార్థులు జాతీయ జెండాలతో భారీగా ప్రదర్శన చేశారు. పాఠశాల నుంచి ప్రధాన రహదారి మీదుగా గాంధీ చౌక్‌ వరకు ర్యాలీ కొనసాగింది. పలువురు గాంధీజీ విగ్రహం వద్ద నివాళి అర్పించారు. ఈ నెల 15న ప్రతి ఇంటిపై జెండా ఎగురవేయాలని పిలుపునిచ్చారు. బాలబాలికల దేశ నాయకుల వేషధారణలు ఆకట్టుకున్నాయి. వందేమాతరం అంటూ నినాదాలు చేశారు. ప్రైవేటు కళాశాల విద్యార్థులు ర్యాలీ నిర్వహించారు.