చిరుధాన్యాలపై జాతీయ స్ఫూర్తి

చిరుధాన్యాలతో తయారు చేసిన జాతీయ జెండా

లేపాక్షి, న్యూస్‌టుడే: ఆజాదీకా అమృత్‌ మహోత్సవాల సందర్భంగా లేపాక్షి మండలం ఉప్పరపల్లికి చెందిన సూక్ష్మ కళాకారుడు సుధాకర్‌ తన నైపుణ్యంతో ఎటువంటి రంగులు అద్దకుండా సహజమైన ఎర్రజొన్నలు, బియ్యం, పెసలు వంటి చిరు ధాన్యాలతో జాతీయ జెండా చిత్రపటాన్ని తయారుచేసి మధ్యలో అశోక చక్రం గీశారు. గింజలు పాడవకుండా ఎక్కువకాలం ఉండాలనే ఉద్దేశంతో ‘ఫార్మాలిన్‌ డీహైడ్రెడ్‌’ ద్రావణంలో కలిపి అతికించారు. ఎర్ర జొన్నలు ఉన్న పైభాగంలో తెలుగులో వందేమాతర గీతాన్ని, బియ్యం ఉన్న మధ్య భాగంలో ఆంగ్లంలో ఓ పక్క ఆజాదీకా అమృత్‌ మహోత్సవ్‌, 75వ సంవత్సర స్వాతంత్య్ర దిన వేడుకలు అని, మరో పక్క ఫ్లెడ్జ్‌, పెసలు ఉన్న చివరి భాగంలో హిందీలో జనగణమన అని జాతీయ గీతాన్ని రోటరింగ్‌ ఇంక్‌ ద్వారా రాశారు. ఇది అందరినీ ఆకట్టుకుంటోంది.